На Падляшшы рыхтуецца чыгуначная рэвалюцыя
Еўрапейская камісія прызначыла 48 мільёнаў еўра на рэканструкцыю падляшскіх чыгуначных шляхоў. Пасля правядзення рэканструкцыі з Гайнаўкі цягніком можна будзе даехаць да Белавежы і Бельска Падляшскага.
Рэканструкцыя, якая пачнецца ў 2016 годзе, таксама будзе праведзена на чыгуначнай лініі Чаромха – Семяноўку і Беласток – Бельск Падляшскі.
Меркаванні мясцовых жыхароў адносна мэтазгоднасці вяртання чыгуначнага спалучэння падзяліліся:
– Калі ёсць грошы, то няхай робяць. Тыя, што на працу ездзяць адсюль, то збольшага ўласнымі аўтамабілямі. Магчыма сюды будуць прыязджаць за пакупкамі, але яны таксама прыязджаць на сваіх аўто.
– Калісьці ездзіў цягніком, а цяпер аўтобусам – з’явілася шмат прыватнікаў.
– Няхай даюць да Белавежы, бо мая цешча ў Белавежы жыве.
– У Арлянцы прыпынак быў, калі я да цешчы ездзіў у Шчыты, дык там усе выхадзілі. Цяпер той прыпынак так зарос, што там страшна.
– Гэта вельмі патрэбна, гэта будзе для ўсіх – для гайнаўскіх, для ваколіц і ўсёй Польшчы. Няхай людзі прыязджаюць паглядзець Белавежу.
– У Бельск ездзіла, калі вучыліся, вельмі добра было.
Рэканструкцыя чыгуначных шляхоў на Падляшшы мае завершыцца ў 2022 годзе.
Лукаш Леанюк, Беларускае Радыё Рацыя
