Дашкевіч – суддзі: Я адсяджу і выйду, а вось што будзе з вамі і вашымі калегамі?
Прадпрымальнік, абаронца Курапатаў, Зміцер Дашкевіч асуджаны на 15 сутак за ўдзел у масавым мерапрыемстве 25 кастрычніка. Вырак абвясціла суддзя Таццяна Моталь.
У апошнім слове Зміцер звярнуўся да суддзі Моталь:
„Мне няма ніякай розніцы, што вы мне сёння выпішыце. Я доўга сядзеў і ў розныя часы, найцямнейшыя. Тым больш я адсяджу і зараз, калі ўжо бачныя промні сонца на гарызонце. 15 сутак вы мне дадіце ці 15 разоў па 15 сутак. Для мяне гэта нічога не азначае… Я ведаю, што я адсяджу і сустрэну тое, за што я змагаюся. Вельмі шкада, што суд кажа: „Гэта не мае дачынення да справы”, — калі я распавядаю пра ўмовы ўтрымання ў турме, пра тое, што людзі не могуць спаць на бетоннай падлозе ў брыдкіх камерах…
Я адсяжу і выйду, а вось што будзе з вамі і вашымі калегамі, вы пра гэта падумайце. На гэтым у мяне усё,” – сказаў Зміцер Дашкевіч.
Беларускае Радыё Рацыя
Фота: Наша ніва
Глядзіце таксама
