У Полацку і Полацкім раёне ўводзіцца абавязковы маскавы рэжым
У Полацку і Полацкім раёне з 11 лістапада ўводзіцца абавязковы маскавы рэжым у мэтах папярэджання распаўсюджвання COVID-19 на тэрыторыі раёна. Пра гэта паведаміў старшыня райвыканкама Ігар Марковіч.
Такое рашэнне полацкія ўлады прынялі 10 лістапада. Яно абумоўлена эпідэмічнай сітуацыяй. А таксама тым, што значная частка грамадзян, ігнаруючы парады лекараў, грэбуе сродкамі індывідуальнай абароны ў грамадскіх месцах, гаворыцца ў паведамленні старшыні райвыканкама.
Што значыць абавязковы маскавы рэжым? З моманту прыняцця рашэння выкарыстанне сродкаў абароны органаў дыхання мае не рэкамендацыйны, а абавязковы характар. Такая мера распаўсюджваецца паўсюдна на ўсе арганізацыі незалежна ад формаў уласнасці. Маскі абавязкова трэба будзе адзець, уваходзячы ў крамы, гандлёвыя цэнтры, аб’екты грамадскага харчавання, установы аховы здароўя, культуры, адукацыі, спорту, сацыяльнага абслугоўвання насельніцтва.
Таксама захаванне маскавага рэжыму абавязкова пры наведванні адміністрацыйных будынкаў, аддзяленняў сувязі, пошты, банкаў, бытавога абслугоўвання, аптэк.
Пасажыры грамадскага транспарту (у тым ліку маршрутных таксі і таксі) таксама абавязкова павінны быць у масцы.
Арганізацыя і непасрэдны кантроль за выкарыстаннем сродкаў абароны органаў дыхання і выкананне іншых прафілактычных мерапрыемстваў (захаванне сацыяльнай дыстанцыі, наяўнасць антысептыкаў, уваходны кантроль і інш) ускладзены на кіраўнікоў прадпрыемстваў і арганізацый.
Таксама з 11 лістапада 2020 года Полацкім раёне будзе максімальна скарочаны колькасць масавых мерапрыемстваў. Планёркі і рабочыя нарады, перамовы прадпісана праводзіць у фармаце відэаканферэнцый.
