90 год з дня нараджэння Уладзіміра Караткевіча
26 лістапада Беларусь святкуе 90-годдзе з дня нараджэння класіка айчыннай літаратуры Уладзіміра Караткевіча.
Пра асобу паэта і празаіка разважае даследчыца Паліна Сцепаненка:
– Ён не быў такім адкрытым апазіцыянерам, ён хутчэй цярпеў ад калег па цэху. Яго кнігі крытыкавалі, і гэта забірала шмат нерваў якраз за непадобнасць да іншых, за кніжнасць, за сціранне сацыяльных межаў. Жыццё яго ў літаратуры было складаным, таму што кнігі яго былі вельмі жывыя, такія датклівыя, і яны не адпавядалі той генеральнай лініі, якая была.
Таксама на 26 лістапада ў Воршы запланавана адкрыццё пано з малюнкамі Караткевіча і фрагментамі яго рукапісаў, выкананае на тарцы дома № 2 па вуліцы Жан-Поля Марата. Ініцыятарам з’яўлення мурала выступіў мецэнат Андрэй Балабін, які раней набыў родны дом Караткевіча ў Воршы і плануе ператварыць яго ў музей.
Беларускае Радыё Рацыя
Фота са старонкі Паліны Сцепаненкі
Глядзіце таксама
