Менскія паліклінікі адмяняюць планавы прыём
Менскія паліклінікі адмяняюць планавы прыём пацыентаў. Пра гэта інфармуе Мінздароўя ў сваім тэлеграм-канале.
Такая мера тлумачыцца эпідэміялагічнай сітуацыяй па захворванні каронавіруснай інфекцыяй, а таксама метамі своечасовай дапамогі пацыентам з COVID-19 і асобам, кантактным з імі.
Таксама ўнесены часовыя змены ў рэжым працы гарадскіх паліклінік і забяспечаны прыём выкліку доктара на дом да 18.00. Акрамя гэтага, арганізаваная поўная занятасць студэнтаў Медуніверсітэта, накіраваных у паліклінікі на перыяд уздыму інфікавання каронавіруснай інфекцыяй.
Школы па падрыхтоўцы да цяжарнасці і родах працуюць у анлайн-фармаце, паведаміла Мінздароўя.
Беларускае Радыё Рацыя
Глядзіце таксама
