Магічнае ўрочышча Джылы-Су
Джылы-Су – цікавостка Паўночнага Каўказу, вандроўкі сюды зрабіліся папулярнымі пасля таго, як перад Алімпіядай у Сочы ў гарах заасфальтавалі дарогі.
Але ўсё адно – аўтобус туды не праездзе.
Экскурсіі адбываюцца на джыпах па сем чалавек.
Кошт экскурсіі з Есентукоў – дзве тысячы расейскіх рублёў, па часе вандроўка займае 12 гадзінаў.
У паўночнай частцы падножжа горы Эльбрус знаходзіцца ўрочышча Джылы-Су – унікальнае месца Кабардзіна-Балкарыі.
Джылы-Су перакладаецца, як «цёплая вада». Гэта гарачыя крыніцы нарзанаў.
Урочышча Джылы-Су мае вядомасць, дзякуючы непаўторным краявідам і якасці мінеральнай вады з крыніц, якія знаходзяцца ў верхняй частцы ракі Малкі на вышыні 2380 метраў.
У Джылы-Су ёсць, што паглядзець.
У балцы Кала-Кулак («Цясніна Замкоў») застылая лава, вецер ды вада стварылі непаўторны рэльеф.
Прайдзі троху далей і перайдзі мост, трапіш да 40-метровага вадаспаду Султан.
На беразе Малкі знаходзяцца цёплыя крыніцы – нарзан.
Гарачыя і гаючыя крыніцы нарзанаў карысныя для нервовай сістэмы.
Усяго ў Джылы-Су чатыры вадаспады і 14 мінеральных крыніц.
Беларускае Радыё Рацыя
Глядзіце таксама
