У Беларусі перастала існаваць кожная пятая турыстычная кампанія
За 2020 год у Беларусі перастала існаваць кожная пятая турыстычная кампанія. Гэта адбылося на фоне пандэміі COVID-19 і глабальнага лакдаўну — кажа кіраўніца Рэспубліканскага саюза турыстычных арганізацый Аксана Бічун у інтэрв’ю smartpress.by.
Па яе словах, турфірмы спадзяваліся, што ў Беларусі прымуць меры падтрымкі кшталту тых, якія выкарыстоўваліся ў іншых краінах. Але турфірмы не атрымалі ні субсідый, ні льготнага крэдытавання, ні падатковых вакацый.
Частка кліентаў пагадзілася перанесці выкупленыя ў мінулым годзе туры на 2021-ы. Аднак сёлетні год таксама выглядае не вельмі перспектыўным. Многія турфірмы кампенсавалі ад 60% да 80% абавязацельстваў, узяўшы грошы з абароту. Але ёсць яшчэ запазычанасці па падатках, заробках, камунальных ды іншых паслугах. У галіне назіраюцца масавыя звальненні работнікаў.
„Нам спатрэбіцца гадоў пяць-сем для таго, каб аднавіцца і выйсці на аб’ёмы 2019 года”, — канстатавала спецыяліст.
Беларускае Радыё Рацыя
Фота: smartpress.by
Глядзіце таксама
