Міліцыя шукае распаўсюднікаў “Витебского вестника”
“Витебский вестник” – гэта саматужнае выданне, дайджэст навінаў і іншых матэрыялаў з розных незалежных СМІ. Выданне з’явілася ў кастрычніку мінулага году, калі паўстала неабходнасць найбольш шырокага распаўсюду інфармацыі пра пратэсты жыхароў Беларусі і іншыя рэаліі тутэйшага жыцця.
“Витебский вестник” выдаюць і распаўсюджваюць мясцовыя валанцёры. І гэта не засталося па-за ўвагай міліцыі, якая цяпер палюе не толькі на бел-чырвона-белыя сцягі, кажа віцебская праваабаронца Ірына Траццякова:
– Таксама “партызанскі” рух – гэта распаўсюд газет па паштовых скрынях. У Віцебску масава друкуюць газеты, і іх вельмі добра чытаюць. Раней была такая газета “В каждый дом”, цяпер “В каждый дом” – это “Витебский вестник”. Таму цяпер міліцыя разважае над тым, каб спыніць распаўсюд друкаванай прадукцыі.
Між тым, выйшла ўжо 13 нумароў выдання. Кожны ахвотны можа далучыцца да каманды валанцёраў і раздрукаваць газету ў каляровым ці чорна-белым варыянце, распаўсюдзіць колькі нумароў самому ці перадаць ініцыятыву іншым.
Беларускае Радыё Рацыя, Віцебск
Глядзіце таксама
