Берасце рыхтуе валанцёраў
У Берасці стартуе грамадская кампанія «Будзь валанцёрам!». Яе асноўным ініцыятарам выступіла агенцтва рэгіянальнага развіцця “Дзедзіч”. У межах першага этапу запланавана правядзенне “Школы валанцёрства” для шэрагу грамадскіх арганізацый, распавяла адная з галоўных каардынатараў кампаніі “Будзь валанцёрам!” Алена Каховіч:
– У Берасці ёсць шмат мерапрыемстваў, у тым ліку культурнага кшталту, а больш дабрачыннага. І многія людзі, якія пішуць каментары да артыкулаў, заўважаюць, што таксама хацелі б дапамагчы, але позна даведаліся ці ўвогуле не ведалі, як гэта зрабіць. І вось мы, у прыватнасці “Дзедзіч”, вырашылі зрабіць такі праект, каб сабраць такіх людзей, адукаваць іх, а пасля накіраваць у тыя арганізацыі, якія ім больш спадабаюцца.
“Валанцёрства для моладзі – гэта не проста добрыя справы, а гэта ў першую чаргу новы і карысны вопыт”, – дадала Алена Каховіч.
У кампаніі “Будзь валанцёрам!’’ плануюць прыняць удзел арганізацыі такіх напрамкаў, як культурніцкія, экалагічныя, дабрачынныя, спартовыя. Агулам на першым этапе запланаваны чатыры трэнінгі для валанцёраў.
Беларускае Радыё Рацыя, Берасце
Фота dolua.org
Глядзіце таксама
