«Свабоду Ігару Лосіку!» (абноўлена)
З гэтым ды іншымі лозунгамі салідарнасці выходзілі беларусы на нядзельныя акцыі.
Беларусы выйшлі на акцыі салідарнасці з Ігарам Лосікам, які галадае, ды іншымі палітвязнямі. Як паведамляе телеграм-канал „Беларусь галаўнога мозгу”, пікеты і лакальныя маршы правялі жыхары сталічных раёнаў „Маяк Менска”, „Зялёны Луг”, Ангарская, Малінаўка, Каменная Горка, а таксама Гародні – у мікрараёне Паўднёвы, у Стоўбцах, Лідзе, Рэчыцы ды іншых гарадах.
Беларускае Радыё Рацыя
Фота: tut.by
Акцыя адбылася і ў Вілейскім раёне.
У Малінаўцы людзі выйшлі на акцыю салідарнасці з транспарантам Свабоднага аб’яднання спартсменаў Беларусі.
Сілавікі ў поўнай экіпіроўцы зразаюць бел-чырвоныя стужкі ў Грушаўцы.
***
У нядзелю ў Беларусі працягваюцца акцыі салідарнасці з Ігарам Лосікам ды іншымі палітвязнямі.
Жыхары Менску раніцай нядзелі выйшлі на марш, а таксама сталі ў ланцуг на знак салідарнасці.
Дзеці, жыхары дамоў на «плошчы Пераменаў» стварылі серыю малюнкаў, прысвечаных Ігару Лосіку.
На іх абыгрываецца прозвішча палітвязня, ёсць пажаданні спыніць галадоўку і надзеі, што сітуацыя неўзабаве выправіцца.
Жонка Ігара Дар’я Лосік паведаміла Свабодзе, што новыя звесткі пра стан здароўя палітвязня могуць стаць вядомымі ў панядзелак, калі да Лосіка паспрабуюць трапіць у жодзінскую турму, дзе ён утрымліваецца. 20 студзеня Лосіка перавялі ў новую камеру, дзе стаяць тры відэакамеры, па якіх вядзецца назіранне за памяшканнем.
Галадоўку на знак пратэсту Лосік абвясціў 15 снежня, калі яму прад’явілі новыя абвінавачанні — у падрыхтоўцы да ўдзелу ў масавых беспарадках. Раней Лосіка абвінавачвалі ў арганізацыі альбо падрыхтоўцы дзеянняў, якія груба парушаюць грамадскі парадак.
Беларускае Радыё Рацыя
Фота: tut.by
***
У нядзелю, 24 студзеня, у Менску ды іншых гарадах Беларусі працягваюцца пратэставыя акцыі і маршы.
Ланцуг салідарнасці ў жылым квартале «Маяк Менска».
На нядзельны марш выйшлі і жыхары Ангарскай. Яны прайшліся калонай і скандавалі: «Глядзі ў акно, а не ў тэлевізар!»
У Зялёным Лузе людзі выйшлі на марш. Калона скандуе: „Жыве Беларусь!» і «Лосік – свабоду!».
Невядомыя ў Балаклаве зрываюць бел-чырвоныя стужкі і забіраюць падарункі з-пад елкі ў Новай Баравой.
Пратэставы снегавік з’явіўся ў Грушаўцы.
Раніцай людзі выйшлі на акцыю салідарнасці ў Навінках.
Глядзіце таксама
