12 кіламетраў ракі Нараўка плануюць аднавіць на тэрыторыі Белавежскай пушчы
Фотаздымак адпаведнага акта апублікаваў у сваім Facebook прадстаўнік Франкфурцкага заалагічнага таварыства і грамадскай арганізацыі “Ахова птушак Бацькаўчшыны” Віктар Фянчук. Гаворка вядзецца пра беларускую частку — тэрыторыю Дзяржаўнай прыродаахоўнай установы «Нацыянальны парк «Белавежская пушча».
Яшчэ ў пазамінулым годзе беларускія спецыялісты разам з польскімі калегамі абмяркоўвалі гэты праект па аднаўленні натуральнага рэчышча Нараўкі:
– Белавежская пушча – гэта адзіны лясны масіў. І падыходы да кіравання гэтай тэрыторыі павінны быць адзіныя. У шмат якіх галінах мы зараз развіваем супольны падыход. Гэта і аднаўленне гідралагічнага рэжыму разам. Зараз мы пра гэта гаворым тым, хто прымае рашэнне ў нашай краіне, паказаць, што можа быць трошкі па-іншаму, можа быць як у Польшчы.
«Зараз можна пачаць праектаванне. Тут плануецца спалучыць два падыходы – на некаторых фрагментах адкапаць гістарычнае рэчышча, а на большасці – ствараць умовы, каб рэчка пачала ўтвараць меандры сама. Такія, якія ёй самой даспадобы», – падсумаваў Віктар Фянчук.
***
150 гадоў таму раку Нараўку – адну з галоўных водных артэрый Белавежскай пушчы – пачалі пераўтвараць у канал, каб сплаўляць лес у парты Балтыйскага мора. Зараз ГА “Ахова птушак Бацькаўчшыны” і ДПУ «Нацыянальны парк «Белавежская пушча», пры падтрымцы Франкфурцкага заалагічнага таварыства спрабуюць выправіць гэтыя змены.
Беларускае Радыё Рацыя
Фота: Daniel Rosengren
Глядзіце таксама
