Ціханоўская трапіла ў спіс лідараў будучыні
Часопіс Time уключыў Святлану Ціханоўскую ў спіс лідараў будучыні. Яе намінаваў лідар венесуэльскай апазіцыі Хуан Гуайдо.
«Святлана Ціханоўская — прыклад супраціўлення і годнасці для ўсіх нас, хто змагаецца за дэмакратыю ў свеце», — напісаў Гуайдо. Ён нагадаў, як вылучэнне Ціханоўскай актывізавала палітычную актыўнасць беларусаў да выбараў, і як тысячы людзей выйшлі на вуліцы пратэставаць супраць фальшавання іх галасоў. У Беларусі людзі ступілі на шлях дэмакратыі, і гэты шлях можа прывесці толькі да свабоды», — падсумаваў венесуэлец.
Беларускае Радыё Рацыя
