Члены сенацкага Камітэту па разведцы на гэтым тыдні аднагалосна падтрымалі кандыдатуру Бёрнса, былога амбасадара ЗША ў Расеі, на пасаду новага кіраўніка ЦРУ. Чакаецца, што яго кандыдатура будзе ўрэшце ўхвалена Сенатам у поўным складзе.
Круз пастанавіў адкласці прызначэнне Бёрнса, каб зрабіць ціск на адміністрацыю з мэтай уводзінаў новых санкцый у дачыненні кампаній, якія дапамагаюць расейскаму энергетычнаму дзяржканцэрну „Газпром” у будаванні газавода коштам 11 мільярдаў даляраў. Праз яго Расея разлічвае пастаўляць газ па дне Балтыйскага мора ў Еўропу праз Германію.
Трубавод будуецца ў абыход Украіны, пазбаўляючы Кіеў выгодных транзітных збораў, і падрываючы яго высілкі па змаганні з расейскай агрэсіяй.
Амерыканскія заканадаўцы ад абедзвюх партый, якія выступаюць супраць праекту, падлічылі, што ўсяго ў праекце завяршэння будаўніцтва „Паўночнага струменя-2” удзельнічаюць каля 15 суднаў. Аднак у мінулым месяцы Дзярждэпартамент ЗША ўвёў санкцыі толькі ў дачыненні да аднаго судна, якое ўдзельнічае ў праекце.
Беларускае Радыё Рацыя
