Палітвязень Сяргей Пятрухін у турме парэзаў сабе вены
Берасцейскі блогер, палітвязень Сяргей Пятрухін, які цяпер знаходзіцца ў турме N4 горада Магілёва, быў змешчаны ў карцар пасля таго, як ён парэзаў сабе вены, пра гэта паведаміў магілёўскі актывіст Уладзімір Шанцаў.
Прычына – жудасная антысанітарыя ў камеры, куды яго перавялі, і немагчымасць знаходжання з прысутным там кантынгентам.
Цяпер стан палітвязня здавальняючы.
Пятрухін знаходзіцца ў карцэры з 25 лютага, і будзе там да 17 сакавіка.
Нагадаем, блогераў Сяргея Пятрухіна і Аляксандра Кабанава абвінавачваюць на падставе часткі 1 артыкула 342 КК – «Арганізацыя групавых дзеянняў, што груба парушаюць грамадскі парадак, з відавочным непадпарадкаваннем патрабаванням прадстаўнікоў улады».
Ім пагражае да трох гадоў калоніі.
Беларускае Радыё Рацыя
Фота: Наша Ніва
Глядзіце таксама
