Рэферэндуму па акумулятарным заводзе не будзе
Прадстаўнікам ініцыятыўнай групы, што выступаюць супраць акумулятарнага завода, не далі правесці рэферэндум па шкоднай вытворчасці ў вёсцы Тэльмы Берасцейскага раёна.
Адпаведная заява падавалася ў Тэльмінскі сельскі выканаўчы камітэт, – распавёў праваабаронца Раман Кісляк:
– Сфармавалі ініцыятыўную групу па правядзенні мясцовага рэферэндуму пра лёс акумулятарнага завода пад Берасцем. Тэльмінскі сельсавет – гэта якраз тая адміністрацыйная тэрытарыяльная адзінка, на тэрыторыі якой пабудаваны гэты завод. Вось гэтае небяспечнае прадпрыемства.
12 лютага падалі дакументы на рэгістрацыю ініцыятыўнай групы ў Тэльмінскі сельскі савет. 16 сакавіка атрымалі адказ, дзе паведамлялася, што адмоўлена ў рэгістрацыі ініцыятыўнай групы.
У адмове правядзення рэферэндуму па АКБ у вёсцы Тэльмы адзначаецца, што пытанне абмеркавання шкоднай вытворчасці не адпавядае патрабаванням заканадаўства.
Беларускае Радыё Рацыя, Берасце
Глядзіце таксама
