Гародня: “Мова Нанова” ў новым фармаце
Брыгіцкі кляштар Гародні стаў месцам, дзе ў выглядзе экскурсіі адбыліся моўныя курсы “Мова Нанова. Гародня”. Экскурсія адбылася ў сценах кляштара, яго скляпеннях, а таксама ў самай старажытнай драўлянай пабудове горада – лямусе.
Пра адметнасць экскурсіі распавядаюць удзельнікі сустрэчы:
– Магчымасць акунуцца ў гісторыю, пабачыць розныя рэчы, якія так проста штодзённа не пабачыш: і абразы, і гістарычныя рэчы, розныя машынкі для друку, кнігі.
– Мяне вельмі ўразіў дворык, там трапляеш у нейкі іншы свет, зусім не чуваць горада, толькі вельмі добра чуваць суразмоўцу. Вельмі ўтульны.
– Спадабалася тым, што зайшлі ў такія адметныя куткі Гародні, якія былі доўгі час зачыненыя для іншых і выклікалі цікавасць таму, што ў іх патрапіць было практычна немагчыма. То гэта была тэрыторыя шпіталю, то потым гэта тэрыторыя знаходзілася на рэканструкцыі
19 красавіка на наступных занятках “Мовы Нанова” ў Гародні выступіць вядомы бард і выканаўца Віктар Шалкевіч.
Беларускае Радыё Рацыя
Фота Сяргея Апановіча
Глядзіце таксама
