Стала вядома імя чацвёртай арыштаванай па справе «замаху на Лукашэнку»
Журналісты даведаліся імя чацвёртай арыштаванай па справе «замаху на Лукашэнку». Па справе затрымана 4 асобы, гэта вынікае з паведамленняў КДБ. Раней вядома было толькі пра трох — гэта адвакат з ЗША Юрась Зянковіч, а таксама літаратуразнаўца Аляксандр Фядута і старшыня Партыі БНФ Рыгор Кастусёў.
«Наша Ніва» сцвяржае, што чацвёртая асоба – хутчэй за ўсё, 43-гадовая Вольга Галубовіч. Раней яна займалася справамі менскага офіса Юрася Зянковіча, які дапамагаў людзям з міграцыяй у ЗША.
Чатыром затрыманым у справе аб спробе дзяржаўнага перавароту выставілі абвінавачанні, усе яны даюць прызнальныя паказанні, заявіў напярэдадні начальнік аддзелу следчага ўпраўлення КДБ Канстанцін Бычак у эфіры «Беларусь-1». Іх абвінавацілі ў змове з мэтай захопу дзяржаўнай улады не канстытуцыйным шляхам (ч. 1 арт. 357 Крымінальнага кодэксу).
Беларускае Радыё Рацыя
Архіўнае фота з ok.ru
Глядзіце таксама
