На „Нафтане” быў затрыманы прафсаюзны лідар БНП Максім Шчуплянкоў
24 красавіка пасля начной змены на прахадной наваполацкага заводу „Нафтан” быў затрыманы намеснік старшыні першаснай арганізацыі працаўнікоў прадпрыемства Беларускага незалежнага прафсаюзу (БНП) Максім Шчуплянкоў.
Пра гэта паведамілі сябры прафсаюзу на старонцы ў Фэйсбуку „Стачкам ОАО „Нафтан”.
Як паведамляецца, у Максіма Шчуплянкова заблакавалі пропуск, а пасля затрымання адвезлі ў ГАУС Наваполацку, дзе на актывіста склалі пратакол за абразу ахоўнікаў. Інцыдэнт з ахоўнікамі, якія напісалі заявы ў міліцыю, адбыўся яшчэ 21 сакавіка. Як сцвярджаецца ў паведамленні, Шчуплянкоў ужо быў асуджаны за гэтае правапарушэнне на 7 сутак адміністрацыйнага арышту.
