Паэтычнаму тэатру “Арт.С” споўнілася 15 гадоў
Святочная імпрэза адбылася на новай пляцоўцы, замест ранейшай – сталічнай Бібліятэкі імя Цёткі, ёй стала Бібліятэка №13.
На вечарыне паэт Міхась Скобла агучыў слушную прапанову:
– Дарэчы, чытачом гэтай бібліятэкі быў Міхась Стральцоў. І ў мяне проста ёсць такая прапанова. №13 – гэта харошая назва, канешне, але будзе выдатна, калі бібліятэка №13 атрымае імя Міхася Стральцова, які жыў вось тут непадалёку на вуліцы Філатава, які хадзіў у гэтую бібліятэку, быў яе чытачом, і гэта будзе цудоўна.
За 15 гадоў, што існуе тэатр “Арт.С”, на ягоных імпрэзах выступіла больш за 200 творцаў – літаратараў, мастакоў, музыкаў. Кожны выступ у пэўнай ступені імправізацыя на зададзеную агульным драматургічным сцэнарыем тэму.
Максім Каўняровіч, Беларускае Радыё Рацыя, Менск
