Ціханоўская падпісала мемарандум у абарону незалежнасці
Святлана Ціханоўская падпісала мемарандум беларускага грамадства, Каардынацыйнай рады і дэмакратычных сіл у абарону суверэнітэту і незалежнасці Беларусі.
Падпісанты дакумента патрабуюць ад рэжыму адмовіцца ад спробаў знішчыць незалежнасць Беларусі.
Мемарандум падпісалі больш за 3400 беларусаў, уключаючы ўсю каманду Ціханоўскай: дарадцаў Аляксандра Дабравольскага і Франака Вячорку, кіраўніка Кабінета прадстаўнікоў Валерыя Кавалеўскага, прадстаўніка Ціханоўскай па адукацыі Вольгі Шпарагі і прадстаўніка па эканамічных пытаннях Алеся Аляхновіча ды іншых.
У ліку падпісантаў больш за 200 лекараў, 300 выкладчыкаў і педагогаў, больш за 40 навукоўцаў. Пакінуць свой подпіс пад дакументам можа любы беларус.
Беларускае Радыё Рацыя
Глядзіце таксама
