„Беларуская вясна” ва Ўроцлаве
18 траўня ва Ўроцлаве адбылася сустрэча з маладымі беларускімі мастакамі і паказ іх творчасці.
Беларускія мастакі Ульяна Няўзорава, Алеся Маісей, і Дзьмітрый Дарашэнка гэтай вясною маюць магчымасць удзельнічаць у мастацкіх абменах творцаў з усходняй мяжы Польшчы. З гэтай нагоды артыстычная пляцоўка AIR WRО сумесна з Pracownia Komuny Paryskiej 45 у рамах праекту “Беларуская вясна” арганізавала сустрэчу і паказ творчасці маладых мастакоў. Травеньскія сустрэчы ў рамках „Беларускай вясны” служаць не толькі прэзентацыяй іх творчасці, але таксама нэтворкінгам і ўзаемным абменам досьведам з Уроцлаўскім асяроддзем. Кожны з рэзідэнтаў на штодзень жыве ў розных гарадах і стварае розныя працы, народжаныя ў абсалютна розных кантэкстах, якія былі прадстаўленыя падчас сустрэчы.
Ульяна Няўзорова родам з Менску, дзе яна займаецца мастацка-актывісцкай дзейнасцю. Яе працы былі ацэнены на шматлікіх выставах, прысвечаных цяперашняй сітуацыі ў Беларусі.
Дзмітрый Дарашэнка у сваім партфоліо мае працы, якія ўпісваюцца ў гарадскі пейзаж, а менавіта насценны жывапіс (муралы) і прасторавыя інтэрвенцыі, а паходзіць ён з Пінску.
Алеся Майсей ўжо некалькі гадоў вучыцца і жыве ў горадзе Катавіцы. Яна родам з Гародні і з’яўляецца студэнткай кінашколы ім. Кшыштафа Кесьлёўскага.
„Беларуская Вясна” – гэта серыя мастацкіх рэзідэнцый, рэалізаваная ў рамках праграмы AIR Wro Strefy Kultury Wrocław. З’яўляецца працягам і пашырэннем праекта „Беларуская Зіма”, які быў прысвечаны апошнім падзеям у Беларусі. Праект накіраваны на лакальныя дзеянні і мастацкія ўмяшанні ў грамадскую прастору.
Сустрэча адбылася а 19 гадзіне на падворку вуліцы Руска, 46.
Кастусь Ахроменка, Беларускае Радыё Рацыя
