Глабальная акцыя салідарнасці з Беларуссю (абноўлена)
Святлана Ціханоўская, заклікала ўсіх неабыякавых людзей 29 траўня далучыцца да Глабальнай Акцыі Салідарнасці з Беларуссю. Гэта міжнародная ініцыятыва, каб людзі ва ўсім свеце аказалі падтрымку беларускаму грамадству. Да акцыі далучаецца Цэнтр беларускай салідарнасці ў Варшаве. Кажа прэс-сакратар цэнтра Антон Жукаў:
– Гэта такая глабальная ініцыятыва, якая паўстала з ініцыятывы Святланы Ціханоўскай, нацыянальнай лідаркі Беларусі. А нашыя мэта – гэта, безумоўна, дагрукацца яшчэ раз да грамадаства. Мы пабачылі, колькі нас ва ўсім свеце. Нам неабходна нагадаць еўрапейскім палітыкам, у тым ліку і польскім, што нельга пакідаць так гэтую сітуацыю. Мы павінны ціснуць на Лукашэнку.
Варшаўская акцыя салідарнасці пачнецца а 14-тай гадзіне паводле польскага часу на Замкавай плошчы ў Варшаве. Прымуць у ёй удзел сярод іншага бацькі Рамана Пратасевіча, прадстаўнікі беларускай апазіцыі ды дыяспары, якія ў выніку ціску з боку лукашэнкаўскага рэжыму былі вымушаныя пакінуць Беларусь.
Цалкам матэрыял слухайце ў далучаным файле:
Ганна Шайкоўская, Беларускае Радыё Рацыя ***
Святлана Ціханоўская заклікала ўсіх неабыякавых людзей выйсці 29 мая на Сусветную акцыю салідарнасці з Беларуссю. Гэта міжнародная ініцыятыва для людзей ва ўсім свеце, каб прадэманстраваць падтрымку беларускаму грамадству. З гэтай нагоды Цэнтр беларускай салідарнасці ладзіць Варшаўскую акцыю салідарнасці!
Ганаровы патранат над варшаўскай акцыяй праводзіць Святлана Ціханоўская.
У рамках акцыі 29 мая 2021 года запланавана:
14: 00-15: 30 Калона Жыгімонта – Адкрыццё Акцыі салідарнасці з удзелам бацькоў Рамана Пратасевіча, аднаго з лідараў беларускай апазіцыі, члена прэзідыўма Каардынацыйнага савета Святланы Ціханоўскай Паўла Латушкі, варшаўскага пасла Міхала Шчэрбы, лідара руху „Гроднаазот” Юрыя Рававога і прадстаўнікоў польскага руху 2050.
План мерапрыемстваў:
• Іерусалімскі выклік
• Выступы бацькоў Рамана Пратасевіча і беларускіх і польскіх палітыкаў.
• Выступленні беларускіх музыкаў і мастацкія выступленні
Паводле прэс-рэлізу
Фота: static.polskieszlaki.pl
Глядзіце таксама
