Каля будынка Еўракамісіі ў Варшаве беларусы трымаюць галадоўку
Ля сцен будынка Еўракамісіі ў Варшаве пяцёра беларусаў аб’явілі галадоўку.
Маладыя людзі патрабуюць ад Еўропы ўвядзення новых санкцый, якія дапамаглі б спыніць генацыд і тэрор у Беларусі, кажа Стася Гліннік, унучка першага кіраўніка незалежнай Беларусі Станіслава Шушкевіча:
– Мы дамагаемся эканамічных санкцый у бок Лукашэнкі і яго рэжыму. І таксама мы хочам, каб гэты рэжым прызналі тэрарыстычным. Гэты радыкальны метад таксама быў абраны, таму што вельмі шмат увагі звяртаюць на такі радыкальны пратэст.
Дыяна – адная з лідарак студэнцкага страйку ў Беларусі:
– Зараз у Беларусі вельмі цяжка. Не рабіць нічога – проста немагчыма!
Прадстаўнік Еўракамісіі прынёс галадуючым электрычны падаўжальнік і прапанаваў звяртацца пры любой бытавой праблеме. Удзельнікі галадоўкі ўпэўнены, што іх ахвяра недарэмная. Еўразвяз павінен санкцыямі дапамагчы Беларусі прыйсці да дэмакратычных перамен.
Цалкам матэрыял у далучаным файле:
Беларускае Радыё Рацыя
