У Еўрапарламенце выступілі за ўключэнне балканскіх краін у Еўразвяз
У Еўрапарламенце выступілі за далучэнне балканскіх дзяржаў да Еўрапейскага Звяза. Такую заяву ў інтэрв’ю Funke зрабіў спікер парламента Давід Сасолі.
„Пашырэнне [Еўразвяза] можа прынесці велізарныя выгады як для рэгіёну, так і для Еўропы ў цэлым”, — сказаў ён.
Па словах Сасолі, павелічэнне тэрыторыі Еўразвяза — гэта „пазітыўны праект міру і працвітання”. Пры гэтым парламентарый дадаў, што тэрміны далучэння краін Заходніх Балкан да альянсу будуць залежаць непасрэдна ад іх адпаведнасці вызначаным крытэрам.
На сённяшні дзень кандыдатамі на ўступленне ў ЕЗ з’яўляюцца Албанія, Паўночная Македонія, Сербія, Чарнагорыя і Турцыя.
