Мастакі створаць праект пра свабоду і Беларусь
30 мастакоў з Цэнтральнай і Усходняй Еўропы, ад Венгрыі да Латвіі, прыедуць у Гараец (Падкарпацкае ваяводства) па запрашэнні Асацыяцыі „Folkowisko”, каб стварыць сумесны міждысцыплінарны праект, прысвечаны свабодзе і Беларусі. Гэта будзе музычны альбом з літаратурнымі тэкстамі і мастацкая выстава.
Праект будзе створаны падчас мастацкіх майстэрняў Rozstaje 2021, якія пройдуць у 12-20 чэрвеня. У іх прымуць удзел 30 пісьменнікаў, перакладчыкаў, музыкаў, фатографаў, жывапісцаў, стваральнікаў відэа-арт і фатографаў з Беларусі, Латвіі, Венгрыі, Польшчы, Украіны і Расіі.
Праект будзе спалучаць музыку, літаратуру і візуальнае мастацтва – кожны элемент будзе ўзаемадзейнічаць. За музычную частку будзе адказваць група беларускіх музыкаў, якая спалучае традыцыйныя ўсходнееўрапейскія песні з сучаснымі аранжыроўкамі: удзельнікі такіх груп, як Vuraj і Port Mone Trio. Літаратурная частка праекта будзе складацца з найбольш цікавых літаратурных тэкстаў з Цэнтральнай і Усходняй Еўропы пра свабоду, якія адбяруць удзельнікамі. Падчас семінара яны будуць перакладзены на розныя мовы рэгіёна. Музыка і літаратура таксама паслужаць натхненнем для мастацкіх твораў, створаных пад куратарскім кіраўніцтвам доктара Ганны Валігорскай з Акадэміі выяўленчых мастацтваў (партнёр праекта). Усе творы будуць спасылацца на лейтматыў – свабода. Краінай, якой у праекце будзе нададзена асаблівая ўвага, стане Беларусь – дзякуючы грамадзянскаму абуджэнню, якое адбываецца там са жніўня 2020 года. Падзеі, якія адбываюцца ў гэтай краіне, стануць натхненнем для стваральнікаў праекта.
Прэм’ера праекта (музычны канцэрт, выстава, сустрэча з аўтарамі і перакладчыкамі) адбудзецца на 8-11 ліпеня 2021 года.
