1. РАЦЫЯ
2. Палітыка
3. Кіраўнік Еўрапейскай рады абмеркаваў з Пуціным Беларусь

Кіраўнік Еўрапейскай рады абмеркаваў з Пуціным Беларусь

Сітуацыя ў Беларусі стала адной з тэм тэлефоннай размовы паміж кіраўніком Еўрапейскай рады Шарлем Мішэлем і прэзідэнтам Расеі Уладзімірам Пуціным.

Мішэль пацвердзіў афіцыйную пазіцыю Еўразвязу з нагоды прымусовай пасадкі самалёта Ryanair беларускімі ўладамі і праінфармаваў расейскага прэзідэнта аб санкцыях, уведзеных Еўразвязам у сувязі з інцыдэнтам, паведамляе сайт Еўрапейскай рады, перадае БелаПАН.

Ён падкрэсліў, што беларускім уладам неабходна „вызваліць палітычных зняволеных, спыніць рэпрэсіі і гвалт і пачаць усебаковы нацыянальны дыялог». Расея, паводле яго слоў, можа згуляць важную ролю ў справе мірнага ўрэгулявання крызісу ў Беларусі. У сваю чаргу прэс-служба Крамля паведамляе: «У сувязі з распачатымі Еўразвязам дадатковымі мерамі санкцыйнага ціску на Беларусь Уладзімір Пуцін падкрэсліў контрпрадуктыўнасць такога падыходу, як і ў цэлым любых спробаў умяшальніцтва ва ўнутраныя справы гэтай суверэннай дзяржавы».

Як паведамлялася, Уладзімір Пуцін і яго амерыканскі калега Джо Байдэн могуць абмеркаваць сітуацыю ў Беларусі на сустрэчы 16 чэрвеня ў Жэневе.

Беларускае Радыё Рацыя

Глядзіце таксама

Прызначаныя тры эксперты ААН, якія будуць фіксаваць злачынствы рэжыму Лукашэнкі

Макей у Швейцарыі запэўнівае, што ў Беларусі ўсё добра

Еўразвяз пачаў працу над увядзеннем новых санкцый супраць Беларусі

У Беларусі „крызіс беспрэцэдэнтных маштабаў”