У Гародні судзілі Таццяну Кашко
Гарадзенка Таццяна Кашко судом Ленінскага раёна Гародні абвінавачваецца паводле артыкула 369 Крымінальнага кодэкса.
Пракурорка Юлія Шчарбіна патрабуе ў абвінаваўчай прамове прызначыць Таццяне Кашко 2 гады без накіравання ва ўстанову адкрытага тыпу – „хатняя хімія.” За тое, што яна нібыта публічна абразіла мясцовага чыноўніка МУС Стасюкевіча.
У судзе быў праваабаронца Раман Юргель, які каментуе сітуацыю:
– Савецкая спадчына гэтых артыкулаў – абраза кіраўніка дзяржавы, абраза дзяржасобы – паспрыяла гэтай сітуацыі. Тым больш паслявыбарнай, калі адна частка грамадства была збітая сілавікамі. І зараз яны апынуліся вінаватымі і абвінавачанымі, асуджанымі. І ўсе адышлі ад тэмы выбараў.
Абарона патрабавала правесці паўторную лінгвістычную экспертызу, бо прызначаны судом эксперт Марыя Гецэвіч не мае практыкі складання экспертызы і не валодае беларускай мовай, перакладаючы напісанае ў сацыяльнай сетцы Таццянай Кашко на расейскую мову. З чаго зрабіла няслушную, непрафесійную выснову.
Суддзя задаволіла зыск пракуроркі – 2 гады без накіравання ва ўстанову адкрытага тыпу – „хатняя хімія” і 2 тысячы рублёў на карысць „абражанага міліцыянта”.
На фота: апошняе слова Таццяны Кашко
Якуб Сушынскі, Беларускае Радыё Рацыя
Глядзіце таксама
