Драгічынскі міліцыянт Юрый Чарнышкоў выйграў чарговы суд
Выйграў чарговую крымінальную справу цяпер ужо ў Бярозаўскім судзе драгічынскі міліцыянт маёр Юрый Чарнышкоў.
Барацьбіт з эканамічнай злачыннасцю Чарнышкоў атрымаў 1500 рублёў маральнай кампенсацыі ад жыхаркі Белаазёрска Таццяны Дзямідчык.
Акрамя гэтага Таццяна пакарана годам і шасцю месяцамі “дамашняй хіміі”, павінна заплаціць 87 рублёў судовых выдаткаў, яе мабільны тэлефон канфіскавалі як зброю, з дапамогай якой учынена злачынства.
Кажа сябра праваабарончага цэнтра Вясна Сяржук Русецкі:
– Адчуванне справядлівасці ад вынікаў суда няма, бо Аляксандр Лукашэнка ў свой час сказаў, што нашу краіну за цывілізаваным светам не павядзе, і выконвае гэтае абяцанне. Таму ў Беларусі гонар і годнасць пасадовых асобаў абаронена значна больш, чым гонар і годнасць звычайных грамадзянаў.
Самае цікавае, што ў судах толькі пазоў ад Чарнышкова. Доказаў маральных перажыванняў або пераследу няма. Але гэта не замінае суддзям выносіць абвінаваўчыя прысуды, кажа журналіст інфармацыйнага сайта “Першы рэгіён” Сяргей Гардзіевіч, з якім таксама судзіцца Чарнышкевіч:
– Адвакат яго запытала, ці ёсць у яго якія-небудзь дакументальныя пацвярджэнні таго, што ён у Санкт-Пецярбургу звяртаўся па медыцынскую дапамогу. Ён паціснуў плячыма і сказаў: “ А навошта?”.
Паводле Гардзіевіча, пагроза з падпаламі машын ля яго пад’езда „прыцягнутая за вушы”. Пагрозы дочкам-студэнткам і жонцы таксама толькі на словах. Здзіўляе і тое, як дазваляе медкамісія Чарнышкову служыць у міліцыі пасля двух мікраінсультаў.
На фота: Таццяна Дзямідчык і Юрый Чарнышкоў у судзе
Цалкам матэрыял слухайце ў далучаным файле:
Беларускае Радыё Рацыя
