„Прэзідэнт пакланіўся” – рэпартаж Валянціны Лаеўскай
Прэзідэнт Польшчы Анджэй Дуда прыехаў на Падляшша на запрашэнне беларускай нацыянальнай меншасці. Упершыню прэзідэнт Польшчы пакланіўся ла пакутнага крыжа ў Залешанах, які стаіць у памяць трагічна загінулых у студзені 1946 года, калі аддзел польскага падполля пад камандаваннем Рамуальда Райса „Бурага” спаліў вёску. Загінула тады 16 чалавек, у тым ліку маленькія дзеці.
