„Талака” запрашае на майстар-клас па танцах
Гомельская „Талака” запрашае ахвотных на майстар-клас па народных танцах. Навучанне адбываецца кожную суботу і нядзелю бясплатна. Сярод танцаў, якія развучваюць талакоўцы, – полькі, кракавяк і нават танга.
Сябра краязнаўчай арганізацыі Наталля Кадзетава распавяла, што танцы збіралі талакоўцы падчас фальклорных вандровак:
– У нас адбываюцца сустрэчы, на якіх мы вывучаем народныя танцы, народныя і бытавыя танцы. Так, як танчылі ў кожнай вёсцы, у кожнай хаце амаль кожны дзень, акрамя паста. Гэта весела, гэта цікава, гэта тое, чым жылі нашы продкі.
Акампануе танцорам гарманіст з вёскі Маркавічы Віктар Шыпкоў. Геаграфія сабраных танцаў і мелодый – поўдзень Гомельскага раёна.
Беларускае Радыё Рацыя, Гомель
