У Савеце ААН па правах чалавека абмеркавалі сітуацыю ў Беларусі
На 47-ай сесіі Савета па правах чалавека ААН адбыўся інтэрактыўны дыялог па сітуацыі ў Беларусі. На ёй выступіла спецдакладчык па сітуацыі з правамі чалавека ў Беларусі Анаіс Марэн. Яна заявіла, што сітуацыя ў Беларусі імкліва пагаршаецца і што прычыны гэтага ў палітычным крызісе падчас прэзідэнцкіх выбараў 2020 года. Марэн згадала пра 35 тысяч затрыманых, пра больш за паўтысячы палітвязняў і запатрабавала іх неадкладнага вызвалення і рэабілітацыі. Яна гаварыла пра „атмасферу страху і беспакаранасці”, якая пануе ў Беларусі.
У дыялогу прыняло удзел 35 прастаўнікоў з розных краін і няўрадавых арганізацый.
„Мы працягнем працу з праваабаронцамі і калегамі з ААН, каб выкарыстоўваць усе даступныя інструменты ў ААН па аднаўленні законнасці ў Беларусі”, — заявіла Святлана Ціханоўская.
Беларускае Радыё Рацыя
Фота: un.org
