Літва адмовіла ў выдачы Святланы Ціханоўскай
Літва адмовіла Генпракуратуры Беларусі ў выдачы Святланы Ціханоўскай.
Пра гэта ў эфіры дзяржаўнага тэлебачання паведаміў Генпракурор Беларусі Андрэй Швед.
Паводле яго, «Беларусь прымае ўсе патрэбныя меры, каб гэтыя злачынцы выдаваліся беларускаму правасуддзю». Таксама ён адзначыў добрыя вынікі і шчыльную працу ў гэтай сферы з расейскімі калегамі. «Афіцыйна магу пацвердзіць, пра адмову Літвы ў яе (Ціханоўскай) выдачы, але ў гэтай адмове няма ніякага матывавання, на падставе чаго яны нам адмовілі. Праўных падстаў мы ў гэтым не бачылі», — распавёў Швед.
Раней аналагічныя запыты Генпракуратура адпраўляла ў дачыненні Валерыя Цапкалы і Паўла Латушкі.
Беларускае Радыё Рацыя
Глядзіце таксама
