Эстонія не накіруе новага амбасадара ў Беларусь – кіраўнік МЗС
Эстонія не накіруе новага амбасадара ў Беларусь, заявіла міністр замежных спраў Эва-Марыя Лійметс.
„Пасылаць новага амбасадара ў Беларусь было б недарэчным, паколькі Эстонія не лічыць Лукашэнку законным кіраўніком дзяржавы, і прадстаўленне даверчых грамат у звычайным парадку можа быць вытлумачана як змяненне пазіцыі Эстоніі”, – піша Лійметс ў апублікаваным у суботу артыкуле ў газеце Eesti Paevaleht.
6 ліпеня прэзідэнт Эстоніі Керсці Кальюлайд прызначыла новага амбасадара ў Беларусі Яака Ленсмента, які павінен уручыць даверчыя граматы Аляксандру Лукашэнку.
Лійметс нагадала, што ні Эстонія, ні Еўрасаюз не прызнаюць вынікі прэзідэнцкіх выбараў у Беларусі ў жніўні мінулага года з-за масавых фальсіфікацый.
Кіраўнік МЗС лічыць, што ў Эстоніі ёсць чатыры варыянты: дзейнічаць як звычайна, знізіць узровень прадстаўніцтва Эстоніі, прызначыўшы часовага паверанага ў справах, не перадаваць даверчыя граматы і пакінуць пасла працаваць у Таліне, не рабіць далейшых крокаў і працягнуць працу са скарочаным складам амбасады.
„Інаўгурацыя новага амбасадара Эстоніі ў Беларусі, якая павінна адбыцца ў пачатку верасня, залежыць ад нашай ацэнкі тамтэйшай сітуацыі. Мы таксама цесна кансультуемся з нашымі партнёрамі і саюзнікамі, якія ўсё бачаць неабходнасць каардынацыі дзеянняў і дэманстрацыі адзінства”, – сказала Лійметс.
