СААЗ заклікае не дапусціць памылак мінулага лета
Сусветная арганізацыя аховы здароўя заклікае не дапусціць памылак мінулага лета з хуткім здыманнем абмежаванняў па COVID-19. Пандэмія яшчэ не завершана, – сказаў сёння дырэктар еўрапейскага бюро СААЗ Ханс Клюге.
„Нягледзячы на тое, што наступіла лета, пандэмія яшчэ далёкая ад завяршэння. Стомленасць ад сітуацыі пандэміі нанесла ўрон нашаму калектыўнаму псіхічнаму здароўю, і цалкам натуральна тое, што людзі хочуць адпачыць пасля такога складанага для ўсіх перыяду, – адзначыў ён. – Аднак мы ўжо былі ў такім становішчы мінулым летам. Калі абмежаванні былі знятыя занадта хутка, мы сутыкнуліся з катастрафічным ростам новых выпадкаў і смерцяў у рэгіёне, што прымусіла нас вярнуцца да лакдауна „.
У Еўропе поўным ходам працягваецца вакцынацыя, саслабляюцца грамадскія меры засцярогі, але вялікая доля насельніцтва рэгіёну застаецца непрышчэпленымі, у выніку гэтага, паводле яго слоў, распаўсюджваюцца варыянты віруса, якія больш лёгка перадаюцца.
