Латушка: Мы не можам здацца, пакуль гэты жудасны рэжым не cпыніць сваё існаванне
На Падляшшы праходзіць Фестываль Абуджаных „Тутака”.
Ганаровым госцем фестывалю стаў былы міністр культуры Беларусі, кіраўнік НАУ Павел Латушка:
– Мы не можам здацца да той пары, пакуль гэты жудасны рэжым не перапыніць сваё існаванне на беларускай зямлі. Бо за намі – праўда, за намі – сіла, за намі – дабро. І з намі – бел-чырвона-белы сцяг.
Вельмі важна тое, што мы даносім да сусветнай супольнасці інфармацыю пра рэальны стан рэчаў. Мы ажыццяўляем дзеянні як на знешнім палітычным накірунку, так і на эканамічным накірунку ціску па пытаннях актыўнай працы з дзяржаўным апаратам у Беларусі дзеля таго, каб больш і больш чыноўнікаў пераходзіла на бок народа.
Павел Латушка падкрэсліў, што міжнародная супольнасць і журналісты з усіх краінаў пільна сочаць за падзеямі ў Беларусі, таму вельмі важна даносіць праўдзівую інфармацыю пра Беларусь.
Францішак Цярэшка, Беларускае Радыё Рацыя
