Уладзімір Ігнацік прабіўся ў 1/8 фіналу турніру ў Празе
Уладзімір Ігнацік (379-ы нумар рэйтынгу АТП) прабіўся ў 1/8 фіналу турніру ў Празе. У матчы 1/16 фіналу беларус перайграў прадстаўніка Венгрыі Жамбора Піраша (401 АТП) – 6:4, 6:3.
Беларускі тэнісіст Ягор Герасімаў – 81-ы нумар сусветнага рэйтынгу – завяршыў выступленне на турніры катэгорыі АТР-250 у ЗША. У паядынку за выхад у 1/8 фіналу беларус саступіў на двух тай-брэйках французу Рышару Гаске (82) – 6:7 (4:7), 6:7 (6:8).
Ілля Івашка (63-і нумар сусветнага рэйтынгу) паспяхова стартаваў на гэтым жа турніры ў ЗША. У першым раўндзе беларус перамог у двух сэтах італьянскага тэнісіста Андрэаса Сэпі (88) – 6:4, 6:4. У 1/16 фіналу Ілля Івашка згуляе з харватам Марынам Чылічам (36).
Аляксандр Когалеў падпісаў гадавы кантракт з менскім „Дынама”
Нападнік Аляксандр Когалеў працягне выступаць за менскае „Дынама”, – паведамляе прэс-служба „зуброў”. З ім падпісаны гадавы кантракт. У нядаўнім розыгрышы Кубка Салея, знаходзячыся на праглядзе, Аляксандр у складзе „Дынама” закінуў адну шайбу і зарабіў паказчык карыснасці +1. Па ходзе мінулага чэмпіянату форвард быў камандзіраваны ў менскае „Юнацтва”, дзе ў агульнай складанасці адыграў у 16 сустрэчах, у якіх набраў 16 (4+12) выніковых ачкоў і стаў чэмпіёнам краіны.
Яўген Каменеў згуляе за зборную Польшчы ў алімпійскай кваліфікацыі
Беларускі абаронца Яўген Каменеў (1997) трапіў у канчатковы ростер зборнай Польшчы на алімпійскую кваліфікацыю. Каменеў, які мае як беларускі, так і польскі пашпарты, нарадзіўся ў Менску, аднак большую частку кар’еры правёў у Польшчы. Ён выступаў за моладзевую зборную гэтай краіны, выклікаўся ў дарослую нацыянальную каманду на спарынгі. Зборная Польшчы пачне алімпійскую кваліфікацыю 26 жніўня матчам супраць каманды Беларусі.
Граніт Джака паведаміў аб працягу кантракта з „Арсеналам”
Паўабаронца „Арсенала” Граніт Джака на сваёй старонцы ў «Інстаграм» пацвердзіў падпісанне новага кантракту з „кананірамі». 28-гадовы швейцарац правядзе ў лонданскім клубе яшчэ чатыры сезоны. У мінулым сезоне Джака адыграў у 31 матчы, забіў адзін мяч і аддаў дзве выніковыя перадачы.
Ян Каравай, Беларускае Радыё Рацыя
