Прэзідэнт ЗША абвясціў 10, 11 і 12 верасня Днямі нацыянальнай памяці і малітваў
Дваццатая гадавіна тэрактаў 11 верасня стала сімвалічнай не толькі з-за круглай даты, але і таму, што пасля дваццаці гадоў прысутнасці ў Афганістане, які стаяў за страшнай атакай на Амерыку, Вашынгтон цалкам вывеў з Афганістана свае войскі.
З крытыкай на прэзідэнта Джо Байдэна за тое, як былі выведзеныя войскі, абрынуліся ўсе – ад дэмакратаў да рэспубліканцаў. Некаторыя рэспубліканцы пачынаюць патрабаваць каб Байдэн не наведваў месца разбураных вежаў-блізнят у Нью-Ёрку. Паставілі ультыматум Байдэну і сем’і загінуўшых падчас тэрактаў 11 верасня:
– Калі прэзідэнт не выканае сваё перадвыбарнае абяцанне і не рассакрэціць матэрыялы расследавання ФБР, якія могуць паказаць на ўдзел Саудаўскай Аравіі ў падрыхтоўцы і ажыццяўленні тэракту, то яго ў Нью-Ёрку на граунд зіро 11 верасня не чакаюць.
Некалькі дзён таму Байдэн даручыў рассакрэціць частку матэрыялаў расследавання тэрактаў 11 верасня.
Абвяшчаючы бліжэйшыя тры дні днямі малітваў і памяці ў сувязі з 20-й гадавінай 11 верасня, прэзідэнт ЗША Джо Байдэн папрасіў амерыканцаў ушанаваць і ўспомніць ахвяраў тэракту праз малітвы, сузіранне, памінальныя службы, наведванне мемарыялаў, і іншыя цырымоніі.
Беларускае Радыё Рацыя
Фота: EPA
Глядзіце таксама
