Аўтарская выстава кавандолі ў Жодзіне
Аўтарская выстава кавандолі зваршчыка з ПА «БелАЗ» Івана Варанько праходзіць у Жодзіне. Гэта тэхніка дэкаратыўнага тэкстыльнага пано (кавандолі).
Выстава адкрылася напачатку сакавіка разам зь „Вясновай палітраю» і праходзіць у малой залі Жодзінскай гарадской мастацкай галерэі пры краязнаўчым музэі па адрасе вуліца Дзеравянкі, 14-Б (будынак былога ПТВ).
Усе творы майстра прадстаўленыя ў тэхніцы ручнога вузелковага пляцення – макрамэ (кавандолі).
[Not a valid template]
Вераніка Багачова, мастачка, адна з удзельнікаў вялікай выставы ў мастацкай галерэі, выкладчыца Акадэміі мастацтваў Беларусі адначае:
– Тут можна ўбачыць работы мастака непрафэсіянала, у якога сэрца імкнецца да творчасці. Ён працаваў зваршчыкам усё сваё жыццё. Можна спрачацца пра мастацкі падыход, каларыт – такіх тэрмінах, якімі карыстаюцца толькі мастакі. Аднак, важна, што чалавек з любоўю падыходзіць да матэрыялу, з вялікай якасцю тэхналягічнай выконвае свае работы. Яны такія душэўныя, сардэчныя і пяшчотныя.
Наведвальнікі гарадской выставы жодзінскіх мастакоў змогуць ўбачыць і гэтую экспазіцыю макрамэ Івана Варанько, бо яна будзе працягваць сваю працу да першай паловы красавіка.
Алесь ЛЕТА, Беларускае Радыё Рацыя
Фота: А.Лапіцкага
Глядзіце таксама
