У СНД узгадняюць меры ў адказ супраць заходніх санкцый
Члены СНД прадпрымаюць сумесныя дзеянні па супрацьдзеянні санкцыям, заявіў кіраўнік выканкама СНД Сяргей Лебедзеў у панядзелак у Менску.
„Сумесныя дзеянні робяцца, ідзе ўзгадненне мер у адказ, сумеснага адлюстравання і нейтралізацыі негатыўнага ўздзеяння гэтых санкцый. Ідзе цеснае ўзгадненне такіх дзеянняў паміж Расіяй і Беларуссю ў рамках Саюзнай дзяржавы, з іншымі дзяржавамі”, — сказаў Лебедзеў.
„Нейкага калектыўнага дакумента тут пакуль няма, але, тым не менш, салідарнасць у супрацьстаянні з тымі дзяржавамі, якія ўводзяць супраць нас санкцыі, праяўляецца”, — адзначыў ён.
Спраўляцца з санкцыйныйным уздзеяннем, паводле яго слоў, дапамагае, у тым ліку, і Дамова аб зоне свабоднага гандлю ў СНД.
„Дамова адзначае ў пачатку кастрычніка сваё дзесяцігоддзе, яна была падпісаная ў кастрычніку 2011 года. Ёсць станоўчыя вынікі: дзяржавы адмовіліся практычна ад увядзення імпартных пошлін, знялі шматлікія абмежаванні ва ўзаемным гандлі, актывізаваўшы ўзаемны гандаль, нягледзячы на складаную эканамічную сітуацыю ў свеце і шматлікія санкцыі, ад якіх, у першую чаргу, пакутуюць Расійская Федэрацыя і Беларусь. Але мы разам, у тым ліку дзякуючы выкарыстанню Дамовы аб зоне свабоднага гандлю, здолелі справіцца з гэтымі часовымі, спадзяюся, цяжкасцямі”, — заявіў Лебедзеў.
