Адукацыю ў Беларусі чакаюць перамены
Адукацыю ў Беларусі чакаюць перамены. Іх анансаваў міністр адукацыі Ігар Карпенка па выніках нарады ў Лукашэнкі.
— З 2023 года з’явіцца злучаны з ЦТ адзіны экзамен у школах. Пакуль школьнікі пасля 11-ці класаў здаюць спачатку выпускныя экзамены, а пасля яшчэ і цэнтралізаванае тэставанне.
— Залічэнне ў сярэдне-спецыяльныя навучальныя ўстановы прапаноўваецца праводзіць па конкурсе атэстата. Ад ЦТ тут будуць сыходзіць.
— Агулам жа ад ЦТ адмаўляцца не будуць, будуць шукаць новыя камбінаваныя падыходы.
ЦТ, па словах міністра Карпенкі, пры ўсіх плюсах і мінусах вырашыла карупцыйную праблему ў адукацыі.
Беларускае Радыё Рацыя
Фота: telegraf.by
