Беларусы Батумі: пакуль мы разам – мы непераможныя
Негледзячы на дождж, некалькі дзесяткаў беларусаў Батумі сабраліся ў старым горадзе каля маяка на акцыю з мэтай прыцягнуць увагу да неабходнасці прызнаць Аляксандра Лукашэнку тэрарыстам і прыцягнуць да адказнасці вінаватых у катаваннях у рамках універсальнай юрысдыкцыі.
„Наша любімая краіна акупаваная. Ўнутры краіны не можа нічога падобнага роду адбывацца, таму ўсе гэтыя акцыі ляглі на плечы дыяспар. Нягледзячы на тое, што зараз адбываецца жахлівая сітуацыя, усё гэта дазволіла стварыць новую Беларусь, яна ўжо створана цяпер. Таму што да гэтага беларусы ў іншых краінах вельмі хутка асіміляваліся, яны знікалі. А цяпер яны аб’ядналіся у адзіныя суполкі, ствараюць новую Беларусь за мяжой”.
„Прынамсі важна праводзіць гэтыя акцыі для тых, хто застаўся ў Беларусі, хто цяпер у засценках рэжыму, і ў цэлым для тых людзей, якія вераць у нашу перамогу”.
„Трэба, каб людзі верылі, і бачылі што нічога не затухла, усё працягваецца далей. Трэба падтрымліваць людзей не толькі ў Беларусі, але і па-за яе межамі”.
На акцыі таксама магчыма было набыць нацыянальную сімволіку, а прыйшоўшыя на яе дамоміліся праводзіць падобныя мерапрыемствы штотыдзень.
Беларускае Радыё Рацыя
