У Гарадзенскім Старым Замку адкрылася абноўленая экспазіцыя
У Гарадзенскім Старым Замку адкрылася абноўленая экспазіцыя на месцы першай чаргі рэстаўрацыйных работ.
Наш карэспандэнт адведаў і падзяліўся ўражаннямі.
Сярод станоўчых рысаў, прыемна ўражвае панаванне беларускай мовы ў вонкавым афармленні музейнай экспазіцыі. Музей зрабіў чарговы крок на шляху інтэрактыўных прыладаў. Асобныя інтэрактыўныя стэнды даюць магчымасць скарыстацца беларускай, ангельскай, расейскай і кітайскай мовамі. Аўтэнтычная кладка муроў замку дзе-нідзе прыадкрыта ад сучаснай тынкоўкі, што складае добрае ўражанне для наведнікаў.
З пажаданняў – усё ж прадумаць магчымасці стварыць безбар’ернае асяроддзе, хаця б у асноўных залах экспазіцыі манаршага палацу.
Існуючыя экспазіцыі распісаны на квітку наведніка.
Якуб Сушынскі, Беларускае Радыё Рацыя
