Прэзідэнты Латвіі, Літвы і Эстоніі выступілі з супольнай заявай
Прэзідэнты Латвіі, Літвы і Эстоніі выступілі з супольнай заявай пра сітуацыю на мяжы Еўразвязу з Беларуссю па выніках сустрэчы ў Вільні 15 лістапада.
У заяве яны, у прыватнасці: асуджаюць дзеянні рэжыму Лукашэнкі, які інструменталізуе міграцыю для палітычных мэтаў;
выказваюць заклапочанасць бяспекай мігрантаў, якія знаходзяцца ў Беларусі і якіх прымушаюць парушаць мяжу Еўрапейскага Звязу;
заклікаюць прыцягнуць рэжым Лукашэнкі да адказнасці за кантрабанду людзей;
выказваюць поўную падтрымку дзеянням, якія робіць Рэспубліка Польшча для абароны знешняй мяжы ЕЗ;
выказваюць гатоўнасць працягваць падтрымку беларускай грамадзянскай супольнасці.
Нагадаем, што ўжо восьмы дзень на памежнай паласе з беларускага боку намагаюцца прарвацца ў Польшчу тысячы мігрантаў.
Фота: lrp.lt
