ЗША і Еўразвяз рыхтуюць новы пакет санкцыяў супраць Беларусі
ЗША і Еўразвяз рыхтуюць новы пакет санкцыяў супраць Беларусі. Адміністрацыя Байдэна супрацоўнічае з еўрапейскімі саюзнікамі ў падрыхтоўцы абмежаванняў у сувязі з міграцыйным крызісам на беларуска-польскай мяжы, паведаміла прадстаўнік амерыканскага прэзідэнта Джэніфер Псакі.
Паводле яе слоў, Вашынгтон заклікае Маскву аказаць уплыў на Менск для ўрэгулявання крызісу.
Сітуацыя ўскладнілася 8 лістапада, калі каля мяжы з Польшчай з боку Беларусі сабралася некалькі тысяч мігрантаў з краін Блізкага Усходу, якія жадаюць перабрацца ў Еўразвяз. Напярэдадні бежанцы прыйшлі да закрытага пагранпераходу і разбілі там палаткі.
Канцлер Нямеччыны Ангела Меркель абмеркавала ўчора міграцыйны крызіс з Аляксандрам Лукашэнкам. Ён сцвярджае, што ўгаворвае мігрантаў вярнуцца на радзіму, але яны не жадаюць.
Беларускае Радыё Рацыя
Глядзіце таксама
