Час чакання на памежным пераходзе ў Баброўніках павялічыўся да 38 гадзін
На памежным пераходзе ў Баброўніках чакаюць афармлення амаль 700 грузавікоў. Сёння час чакання павялічыўся да 38 гадзін – паведамілі ў Падляшскай КАС. У пятніцу ўвечары чарга складала 36 гадзін. Чарга грузавікоў складае 14 км.
На станцыі Waliły ёсць буферная зона, якая павінна палепшыць рух транспарту. Буферныя зоны ствараюцца на пад’язных дарогах да падляшскіх пераходаў з Беларуссю, калі чарга становіцца даўжэйшай і перашкаджае руху аўтамабіляў. Потым чаргу падзяляюць і арганізуюць КАС, Памежная ахова і паліцыя. Калі машыны з першай часткі чаргі пераязджаюць далей, да мяжы паступова падпускаюцца машыны з другой часткі.
За апошнюю дванаццацігадзінную змену ў Беларусь было адпраўлена 182 грузавыя аўтамабілі, паведамілі ў КАС Падляшскага ваяводства.
З 9 лістапада Баброўнікі — адзіны аўтамабільны памежны пераход з Беларуссю на Падляшшы, які абслугоўвае грузавыя перавозкі. У гэты час суседні пераход у Кузьніцы быў зачынены з-за міграцыйнага крызісу.
