Актуальны верш Юркі Карпача
Верш “Беларускія навіны” напісаў паэт Юрка Карпач з Гарадзеншчыны і даслаў яго ў рэдакцыю Радыё Рацыя. На нашым сайце не вельмі часта друкуюцца паэтычныя радкі, але гэты верш варты ўвагі. Таму мы вырашылі пазнаёміць чытачоў з “Беларускімі навінамі” Юркі Карпача.
Беларускія навіны
Не выйшаў праз месяц на волю,
Не паесць памідор са смятанай
Увязнены стравай такою
У краіне нікім не забранай.
Кубінец у Маскву (ці на Кубу?)
Праз 30 гадоў пражывання
Дэпартаваны на згубу,
На з сынам і жонкай растанне.
Тэатр, што Свабодным завецца,
Працавацьме свабодна ў Польшчы,
Беручы эмігрантаў за сэрца
І палякам маркоцячы вочы.
Нядаўна там з новым раманам
Усю Польшчу аб’ехаў Някляеў,
З разумным прасветленым тварам
Казаў пра лёс свой і Купалаў.
Дзікавіцкі палескае “Оньдэ”
Прэзентуе ў Польшчы суседняй.
Хадановіч з гітарай свабоднай
Там свабодна пяе свае песні.
У Вільні — “Вольнае слова”…
За кратамі тут — журналісты.
У навінах — варожасці мова,
І паўсюль — экстрэмісты…
Беларускае Радыё Рацыя
