Нямецкая кампанія Queisser Pharma адмовілася ад рэкламы на беларускай дзяржТВ
Нямецкая фармацэўтычная кампанія Queisser Pharma больш не будзе рэкламавацца на дзяржаўным тэлебачанні, паведамляе прэс-служба праваабарончага цэнтра „Libereco – Partnership for Human Rights”.
У паведамленні праваабарончага цэнтра сказана, што петыцыю на адрас кампаніі з просьбай спыніць размяшчаць рэкламу ў дзяржмедыя падпісала 58 тысяч чалавек.
Самая вядомая марка, якой валодае кампанія – вітаміны і біядабаўкі Доппельгерц.
Некалькі дзён таму ад рэклямы на беларускіх дзяржаўных каналах адмовілася кампанія JYSK.
