Біскуп Віцебскай дыяцэзіі Алег Буткевіч сустрэўся з журналістамі
Біскуп Віцебскай дыяцэзіі Алег Буткевіч сустрэўся з журналістамі ў катэдральным касцёле Езуса Міласэрнага ў Віцебску. Прэс-канферэнцыя была прымеркаваная да свята Пасхі.
[Not a valid template]
Як кажа Біскуп Віцебскай дыяцэзіі Алег Буткевіч , Пасха – значная падзея ў жыцці грамадства, трэба таксама і праз сродкі масавай інфармацыі дапамагаць людзям далучацца да гэтай падзеі. Бо ў цяперашні час чалавек сустракаецца са шматлікімі праблемамі, перад якімі вельмі часта адучувае сваю бездапаможнасць.
– Мы жывем з вамі ў тым грамадстве, якое абуджаецца да Веры. І вельмі важна, каб людзі свядома перажывалі гэтую падзею. Тым больш, што сёння мы бачым, што ў асабістым жыцці чалавека, у грамадскім жыцці мы патрабуем годнага фундаменту, на якім павінны будаваць наша нялёгкае жыццё. Вера дае нам вельмі часта не толькі той фундамант, але і адказ на шматлікія пытанні, якія турбуюць сёння чалавека.
Біскуп Алег Буткевіч распавёў пра асноўныя мерапрыемствы, якія будзе ладзіць дыяцэзія ў бліжэйшы час, пра падрыхтоўку да Вялікдня і адказаў на іншыя актуальныя пытанні журналістаў.
Нагадаем, Пасху вернікі каталіцкай канфесіі адзначаць 5 красавіка.
Таццяна Смоткіна, Беларускае Радыё Рацыя
Глядзіце таксама
