Адкрыўся памежны пераход Полаўцы-Пяшчатка
Пасля рэканструкцыі на польска-беларускай мяжы адкрыўся пераход Полаўцы-Пяшчатка, праз які мяжу змогуць праходзіць кіроўцы фураў, аўтобусаў, а таксама грамадзяне ўсіх краін. Дагэтуль перасякаць мяжу праз пераход маглі толькі палякі і беларусы на легкавіках.
Як адначыў войт гміны Чаромха Міхал Урублеўскі, новы пераход – гэта шанец для развіцця не толькі гміны Чаромха, але і ўсяго ваяводства:
– Гэта ажывіць нашу гміну, нашы суседнія паветы. Жыхары Чаромхі будуць больш карыстацца гэтым пераходам, а таксама жыхары ўсяго ваяводства.
Мадэрнізаваная таксама інфраструктура на беларускім баку мяжы ў Пяшчатцы. Пасля рамонту памежнікі змогуць абслугоўваць каля 200 грузавых і 2000 легкавых аўто ў суткі.
Агульны кошт рэканструкцыі памежнага пераходу склаў 178 мільёнаў злотых – грошы былі выдзелены з еўрапейскай праграмы Польшча-Беларусь-Украіна, а таксама з польска-швейцарскай праграмы супрацоўніцтва.
[Not a valid template]
Лукаш Леанюк, Беларускае Радыё Рацыя
Фота аўтара
