Прадстаўнік Дзярждэпа мяркуе „вельмі хуткія” дадатковыя меры супраць РФ
Прэс-сакратар Дзярждэпартамента ЗША Нэд Прайс мяркуе, што ЗША прымуць дадатковыя меры супраць Расеі „вельмі хутка”. Гэта прагучала ў эфіры MSNBC у адказ на пытанне аб просьбе прэзідэнта Украіны Уладзіміра Зяленскага аб пашырэнні санкцый G7 у адказ на падзеі ў Бучы, перадае CNN.
«Калі гаворка ідзе пра нашыя санкцыі, мы заўсёды казалі, што будзем працягваць ціснуць на прэзідэнта Пуціна, на Крэмль, на ўсіх тых, хто яго акружае, уключаючы алігархаў і набліжаных, якія падтрымліваюць гэтую вайну супраць Украіны, датуль, пакуль Крэмль не пойдзе на дээскалацыю, пакуль не зменшыцца ўзровень гвалту, пакуль не спыняцца падобныя зверствы. Таму я падазраю, што вельмі хутка вы ўбачыце дадатковы ціск», – сказаў ён.
«Калі гаворка ідзе пра гэтыя кадры з Бучы, мы ўжо ацанілі, што расейскія войскі здзейснілі ваенныя злачынствы. Тое, што мы робім, – гэта збор інфармацыі. Па-першае, каб прыцягнуць увагу да таго, што менавіта яны робяць, а па-другое, каб усе тыя, хто ўчыніў гэтыя злачынствы, і ўсе тыя, хто аддаваў загады аб гэтых злачынствах, былі прыцягнуты да адказнасці. Гэта наша місія», – працягнуў ён.
Адказваючы на пытанне аб мірных перамовах, Прайс сказаў: „Мы пакуль не бачылі ніякіх прыкмет таго, што рускія сапраўды сур’ёзна настроены на дээскалацыю гэтай вайны”.
